ع الأرض دى طول مانت عايش
لابد حاتشيل همها..
مش مشكله الهم فين ..
جوه قلبك حزن ساكت..
أو على لسانك وزاعق ..
انت وارث الحزن الدفين
نضحك نقول يارب خير
نبكى نقول جاى الفرج
الهم موجود فوق دماغنا
وكل واحد مننا
مزروع ف قلبه الف طعنه
وكلنا عايشين حزانا فى كل معنى…
من معانى البؤس تسرح
فى الجتت زى الجرب
كل اللى ف إيدنا نهرش
يتنقل خوفنا بسرعه
م المكان اللى اتهرش
فى حته تانيه يتزرع
نهرش ونهرش م الجرب
لحد مابلدنا اتخرب
ومره تانيه ومره تالته والف مره
أهرش دماغك وأتهرش
والباغى لاغى كل القيم
يا ولادنا يللا اتجمعوا
شيلوا القراد من ودانكوا
عشان تسمعوا
إتجمعوا
إتجمعوا
