بسم الله الرحمن الرحيم
مش عارف ابتدي منين
.اتكلم عن نفسي لوحدي والا اتكلم علينا كشباب بنقاتل ونجاهد في سبيل الله
بجد فعلا بنقاتل ونجاهد بنقاتل شياطين الأنس والجن اللي حوالينا في كل مكان
وبنجاهد نغض بصرنا في زمان الفتن تمشي على قدمان تلبس الكعوب العالية اللي
ربنا سبحانه وتعالى أمر بعدم ارتدائهم علشان الاصوات والحركات
استغفرك و أتوب إليك يارب
حاتكلم عن نفسي واسيبكم كشباب تتكلموا عن أنفسكم إن شاءالله
أنا شاب على اد حالي أبويا عنده محل صغير بيبيع فيه
الأدوات المدرسية
وأنا الصغير جيت له بعد صبر دام أربع من البنات
الحمدلله الوالد جوز تلاته منهن وباقي الصغيرة مخها علمي
جدا وغاوية دراسة ورافضة فكرة الارتباط
أنا كبرت لقيت والدي محتاجني معاه وكان بيحب أكون
خريج كلية تجارة وكان ما أراد
دخلت الكلية وبجد مش عارف ازاي هم ليه بيسموها كلية
دي لازم يسموها كارنفال
البنات دي جايه تتعلم والا جايه تحضر عرض أزياء
طبعا انا مش باتكلم عن البنات الملتزمات
دول ربي يكرمهن محدش فينا بيتعرض لهن بسوء واللي
يتعرض لهن بناكله
ألوان و أشكال وحاجات متقدرش تمشي مغمض عينك يعني
حتى ولو لبست نظارة سوداء
الالوان والأشكال دي بتإذينا
والله لازم تتقين الله فينا
اللهم يسامحك اللي خلاكم تخلعوا الحجاب
يعني أنا لسه في أول الطريق و أدامي سنوات طوال علشان
أعرف أكون نفسي والاقي واحده تقبل تتجوز واحد زيي على
أده لا يحمل بين يديه سوى قلب يخاف الله ويحاول أن يقتدي
برسوله وصحابة رسوله المصطفى
والبلاء في الكلية مستمر وبيكون أشد ابتلاءا في رمضان
الشهر الفضيل
ازاي بيهون عليكوا تلبسوا اللبس داه وتحطوا ماكياج وروج
طيب ازاي روج يعني؟؟؟؟؟؟؟؟؟؟؟ مش برضه داه له طعم وقوام؟
اللهم إني صائم
أيام رمضان أنا مكنتش باحضر المحاضرات
كان عندنا أخ في نفس السنة بيخلي أخواته البنات يحضروا
له
ويكتبوا المحاضرات ونصورها
متتخضوش قوي كده محدش بيحاسب حد في المحاضرة اللي
فيها آلاف من الطلبة والطالبات
ما أصل مينفعش نصوم ونغضب ربنا يبقى كده أسلم والا أنا
غلطان
بس الوضع اتأزم قوي بعد كده لأني كنت باقعد في المكتبة
بعد الظهر واريح عم الحاج أبويا شويه
داه تعب معانا وربنا يكرمه أريحه وربي يكرمني في أولادي
ويريحوني
أدخل المكتبة الاقي شلة بنات أشكال و ألوان واقفين عايزين
يصوروا ورق
يارب اعصمني من المهالك
قبل ما أقول آمين أسمع صوت ضحكات والله لو واحدة من
اخواتي البنات
ضحكتها كان أبويا الحاج ضربها كسرلها أسنانها
أسكت واقول أربط على قلبي يارب ألاقي واحدة بتبتدي تجر
معايا كلام
عايزة القلم داه لو تسمح بس ياريت يكون لونه سيمون أو
روز
معندكوش هدايا علشان عيد الحب
أضغط على أسناني وقبل ما تتكسر أقولها لا مش بنبيع هدايا
هنا
تبصلي وتقول : خسارة انتم كده بتخسروا مبلغ كويس
يساعدكم على تطوير المكتبة دي
أسكت ولا أعلق واهتم بالانتهاء من تصوير الورق حتى
أغلق المكتبة و ألحق المسجد قبل اللآذان
بعد الانتهاء أقوم في طريقي إلى المسجد لأجد واحدة منهم
تقف مع زميلتها ويبتسمن لي
الأمور اتلخبطت خالص
هو مين اللي بيمهد لمين؟ الشاب والا الشابة في الزمن داه
يارب سامحني يارب انت أمرتني بغض البصر بس مش نافع
معاهم غض بصر
دول فتن كقطع الليل المظلم تمشي في كل اتجاه
أنا حاسس إني محتاج أغمض عيوني و أخلي ولد من
الصغار يمسكني كمن يمسك بضرير كي يصل به إلى
المسجد يصلي
اللي يحزن بقى حاجه ظريفة قوي
المفروض الستات زي ما رسول الله أمرهم يصلوا في بيوتهم
ودي درأ لمفسدة
مينفعش أطلع من صلاتي بعد تسبيح وتكبير وتهليل وابتهال
لله الغفار أن يغفر لي ما مضى من ذنوبي
و أخرج من المسجد لأجد مجموعة من الذنوب حاضرة
أمامي
مينفعش الستات تزاحم الرجال في الخروج من المسجد
مش عايزين يصلوا في بيتهم ماشي بس ينتظروا شوية لغاية
ما الرجال تطلع علشان الزحام
كده لا يرضي الله أبدا
أو زي حاجه تانية برضه
أحيانا في صلاة الجمعة والتراويح في رمضان نحتاج
لإخراج المزيد من الحصير على
الأرصفة المجاورة للمسجد لاستيعاب الكم الكبير من
المصلين
وفجأة وبدون مقدمات ونحن نخشع ونستمع إلى الشيخ
يخطب فينا
نسمع صوت كعوب تمشي مثل عساكر الدورية
البعض منا لا يلتفت والبعض ضعيف النفس
يلتفت لينظر ونجد من يلكزه في كتفه ويقول له اتقي الله يا
أخي
فيرد: ودي مناظر اتقت الله في ناس بتصلي لربها
القيامة قربت والا إيه؟؟؟؟؟؟؟؟
دا كان جزء صغير من يوميات شاب مسلم
في المرة القادمة ستكون يومياتي مع أصدقاء الخير و مع اصدقاء السوء والعياذ بالله
***************************
القصة عبارة عن مواقف حدثت للكثير من الشباب
ولكنني وضعت لها إضافات وكيان من تأليفي
في انتظار ردودكم يا شباب ازبد البحر وطبعا رجاله و كمان بناته ونساؤه
عدل سابقا من قبل كلمات من نور في السبت مايو 29, 2010 2:15 pm عدل 1 مرات