السلام عليكم و رحمة الله و بركاته
كيفكم ؟
معكم منيرة النمنكاني يعني مو منقول الكلام و أنا كاتبته لأخذ الحذر فقط
بس كنت بأقول انتبهووووووووووووووووووووووووا لا يصير لكم مثلي ، و قلت احذركم ..
من 5 أيام ، الله يعزكم إذا رحت الحمام يجيني ألم فظيييييييع عند التبول ، كأنه هناك دبوس ..
أو نااااااااااااااااااااار تحرقني و لدرجة أصييييييح و أبكي .. و ما أقدر أنام و مارحت للمستشفى عشان
مشروع تخرجي ،، بس أمس زاد علي و صار ينزل دم مع البوول الله يعزكم ..
رحت الطوارئ بعد ما فطرت و بعد التحاليل و كذا ، قالولي إلتهاب و نعطيك مضاد حيوي
و إذا ما تحسنتي بعد 3 أيام تعالي المستشفى كمان .. و قالولي أشرب موية كثيييييييييير
لإن جسمي مافيه موية و الأملاح كثيييييرة ..
سألتهم عن السبب ؟ قالولي لا تقلقي .. التهاب عادي ممكن يجي لأي وحدة
و عند الحريم أكثر من الرجال .. و مضادات حيوية و تروح ..
.
.
رجعت البيت ، و اليوم ما صمت و من أمس أشرب موية و الألم مازال مستمر
و بأشتغل عشان مشروع تخرجي بكرة أعرضه إن شاء الله أدعوالي ..
جيت أفكر مع نفسي في الظهر ؟ خلاص بلاشي كولا من اليوم عشان الكلية لا تتأثر
و قلت في داخلي خليني أعمل قهوة عشان أصحصح ،، و لا أحسن شئ
أدق على زوجي و يجيب لي ( ريد بول ) مشروب الطاقة معاه عشان أصحصح
وقتها و الله ، زي اللي تولعت لمبة في داخل راسي
و قلت
( أهاااااااااااااااااااااااااا ،، عرفت السبب دحين )
افتكرت العلاقة بين الألم اللي صابني و بين الريد بول ..
بأحكي لكم بسرعة ..
.
.
- قبل رمضان بـ 3 أسابيع، نزل عرض في الأسواق في تيسكو إنه تشتري كرتون ريد بول بسعر مخفض
و قمت اشتريته و حطيته في الثلاجة و صرت أشرب حبة كل يوم و أنا رايحة للجامعة
شوي حسيت إنه حالتي مو طبيعية ، أرق ، صداع ، ضعف في الجسم ، حسيت صار لي
إدمان عليه من جد ،، و بس أتبول الله يعزكم ، حتى شكيت إني أكون حامل هههه
فقمت خففت و صرت أشرب مرة كل يومين أو 3 .. لإنه صابني تغير عجيب
قلت يا شيخة ادخلي للنت و اقري عن أضراره ،، لإنه من طبعي أي شئ أكله أو أشربه احب مرات
أشيك في النت و أعرف إيش هو ؟ و إيش يحتوي و كذا ..
طبعا قريت موضوع عن أضرار مشروبات الطاقة بس ما صدقتهم ،،
قلت أكييييييييييييييد يبالغوا .. و مع كذا اخذت حذري و قررت ما عاد اشتري كمية منه
عشان لا أتعود عليه .. بس أخلص الـ 3 علب اللي بقيت على أيام متفرقة ..
.
.
خلص الريد بول من أول يوم في رمضان أو أول اسبوع ما أفتكر ..
و أصلا النهار عندنا طويل و أجري مرات عشان ألحق القطار للجامعة و مشي و كذا
و ماكنت أشرب موية كثير
فمرضت من 5 أيام .. و افتكرت المقالة اللي قريتها عن أضرار الريد بول و بحثت عنها و لقيتها
مكتوب بإنه مشروبا الطاقة ، تسبب جفاااااااااااااااااااااااف للجسم ، لإنها تخرج السوائل من الجسم
و و الله العظيم إنه هذا اللي حصل معايا ،، و مكتوب إنه تأثير المشروب ما يظهر بشكل مباشر ..
لكن يظهر بعد فترة و بالضبططططططططططططط هذا للي حصل معاي
و دخلت أقراه اليوم و عرفت سبب المرض اللي جاني ،،
و الله إنه من كثرة الأملاح و الجفاف ، الله يعزكم البول لونه مو طبيعي و بدأ
يخرج دم معاه .. فانتبهوا من مشروبات الطاقة
لا أحد يشربه ،، من جد كنت راح أخسر يمكن كليتي بسببها ..
حتى الكولا بطلت أشربها و إن شاء الله على طووووووول
أقروا االمقال هذا ، كل اللي مكتوب من جد عانيت منه و الله ..
و مازلت أخد المضاد و المسكن و بعد بكرة إذا ما اختفى الألم بأروح أراجع
حبيت أحذركم ، بإنه الكلام اللي مكتوب عن أضراره من جدددددد
أنا ما صدقتهم أول مرة قريتها ، فانتبهوا ..
http://www.far7.com/vb/showthread.php?t=46806
[/right]