هام يا شباب

مصدر الرسالة التالية

من باب الأمانة - ذكر المصدر مع النقل

http://www.forsanelhaq.com/showthread.php?t=134168





U



أرض الخوف

Fear Factor Xtreme




ده برنامج مسابقات معروف و مشهور جداً اليومين دول


و بييجي علي إحدي القنوات الفضائية


و شباب كتيرجداً بيتابعوه


تقوم فكرة البرنامج علي مسابقة


بين مجموعة من الشباب

ولاد و بنات


متجمعين مع بعض في مكان ما

زي مزارع أو جناين

في إحدي دول Latin America

تقريباً الأرجنتين


كل واحد من الشباب دول

حاطيين عينهم علي هدف واحد

لازك كلهم يوصلوا ليه

مهما كانت الصعوبات و المعوقات

و كلهم تركيز عالي جداً

و ذهنهم مش مشغول بأي حاجة تانية غير الهدف ده

و كل واحد فيهم بيخرج أقصي الطاقات الكامنة جواه

عشان ماعندوش غير فرصة أو اتنين

لو فشل فيهم

هيطلع بره و يخسر الجايزه الكبري !ـ

و الهدف ده اللي كلهم عايزين يوصلوا ليه هو

الفوز بجائزة قدرها 25000 $ ـ

تقريباً زي ماعرفت


و عشان الهدف غالي أوي و الجايزة قيمة جداً

تلاقي الشباب دول , زي ما قلت لكم في الأول

كلهم تركيز جامد

و عينيهم علي حاجة واحدة (الهدف) ـ

و ماعندهمش وقت يضيعوه في أي حاجة تانية

عشان مايفقدوش الجايزة


و المسابقات اللي بتتعملهم دي بتكون صعبة جداً

و فيها مخاطرة كبيرة جداً

و ممكن يتعرضوا لإصابات و حوادث

و ممكن كمان تكون المسابقات دي وسط حشرات أو فيران أو حيوانات متوحشة

المهم إن كله لازم يعبر المراحل الصعبة دي

مهما كانت المخاطرة

و لذلك اسمها

أرض الخوف

Fear Factor Xtreme





يا جماعة

ربنا سبحانه و تعالي يقول في كتابه الكريم

"الم , أحسب الناس أن يتركوا أن يقولوا آمنا و هم لا يفتنون"

سورة العنكبوت

هو ده يا جماعة موضوعنا


كلنا مخلوقين في الدنيا دي لغاية معينة

و هي "عبادة الله" ـ

"و ما خلقت الجن و الإنس إلا ليعبدون"

و من خلال حياتنا في الدنيا و أعمالنا

نقدر نحقق الغاية دي

و اللي هتوصلنا في الآخر للجنة إن شاء الله

لكن كتيير منا


مش بيقدر


مش بيكمل


بيتعب


بيزهق


بيضعف


بيتخنق


نَفَسُه بيتقطع في نص الطريق


مابيكملش المشوار لحد الآخر

ليه ؟؟؟



كلنا و لله الحمد فينا خير

مهما كانت معاصينا و ذنوبنا

ماتقولش أنا مليان ذنوب و بلاوي

أنا مانفعش أبقي كويس

و ماأقدرش أصلح نفسي

لأ



تقدر إن شاء الله

ربنا سبحانه و تعالي كريم و رحيم و غفور

خلقنا عشان نعبده و نطيعه

و أعطانا الفرصة في الدنيا

مرة و اتنين و تلاتة....إلي قيام الساعة أو موت الإنسان

تغلط و ترجع له تاني

تعصاه و تتوب إليه

بس وضع لك شوية اختبارات و ابتلاءات عشان يشوفك هتعمل إيه

هتنجح و لا لأ ؟




زي امتحانات الثانوية و الجامعة

لازم تذاكر و تقفل علي نفسك و تمنع نفسك من الفسح و الخروج ووووو....الخ

عشان تنجح

كذلك الأمر في الدنيا

ربنا سبحانه و تعالي (قدَّر) لك امتحانات و ابتلاءات

عشان تدخل الجنة لازم تعديها

و لسه الفرصة قدامك

مادام قلبك مازال ينبض

لكن احذر

قبل فوات الآوان

و ماتقولش الموضوع صعب و أنا مش قادر

لأ هتقدر إن شاء الله


همه اللي بينجحوا في الدنيا أحسن منك في إيه

عندهم رجل أو إيد أكتر منك ؟؟؟!!! ـ

كل الموضوع إنهم عايشين لهدف معين عايزين يوصلوا ليه

و مركزين مع الهدف ده

و بيبذلوا كل جهدهم عشان يفوزوا


عندك الممثلين و المغنيين

بيتعبوا و يجتهدوا بالأيام و الليالي و الساعات

عشان ينجحوا

و تلاقي الممثل فيهم ممكن ينط في بحر من مكان مرتفع أو يرمي نفسه من عربية عشان الدور يبقي حقيقي و يوصل للجمهور , مع إنه ممكن يستعين بدوبلير

لكن مابيرضاش و بيعمل المشهد بنفسه عشان يبقي في مصداقية و بالتالي ينجح

و المغني كمان بيتدرب علي الأغنية بالشهور و الأيام و الساعات و بيسافر هنا و هناك يغني في الحفلات و المهرجانات في مختلف دول العالم

و حنجرته بتتعب أوي

كل ده في سبيل إيه

إنه ينجح




لكن كل ده نجاح ( مُحرّم ) في دنيا زائلة

دنيا لا تساوي عند الله جناح بعوضة (ذبابة) ـ

إنما إنت و إنتِ

النجاح ده يكون بإذن الله دخول الجنة

(ذلك الفوز العظيم)

نعيم لا ينفد

ما لا عين رأت و لا أذن سمعت و لا خطر علي قلب بشر





فالمطلوب مننا إننا نستحمل شوية بعض الصعوبات و الابتلاءات

و نقفز من فوق الحواجز دي

عشان نوصل لهدفنا في الآخر

ربنا سبحانه و تعالي طلب مننا حاجات و نهانا عن حاجات



كل واحد يسأل نفسه

هل أنا فعلاً

بقوم كل يوم من النوم أصلي الفجر ؟! ـ

بصلي الصلاة في أوقاتها و لا لأ ؟! ـ

مابسمعش أغاني ؟! ـ
بغض بصري ؟! ـ
مابعاكسش بنات ؟! ـ
مابصاحبش بنات؟! ـ
مابكدبش ؟! ـ
مابغتبش الناس ؟! ـ
ما بشربش سجاير أو غيرها؟! ـ
ما بشتمش أو بقول كلام بذيء ؟! ـ
ما بتفرجش علي المواقع الإباحية ؟! ـ
بسمع كلام والدي و والدتي ؟! ـ



........الخ

و كل واحدة تسأل نفسها

اتحجبت الحجاب الشرعي و لا لسه ؟! ـ

بصلي الفجر و لا لأ ؟! ـ

بحافظ علي الصلاة في أوقاتها؟! ـ
مابسمعش أغاني؟! ـ
مابصاحبش شباب؟! ـ
مابغتابش حد؟! ـ
ما بتفرجش علي أفلام و مسلسلات ؟! ـ


............الخ




لازم نحاول و نحاول و نحاول

و مانيأسش خالص

و نجاهد أنفسنا و الشيطان

و يكون هدفنا دايما أدام عينينا





الجنة





تفتكروا كده

يا تري يا هل تري






هنقدر نكسب التحدي و نفوز ؟؟؟!!!ـ




{ وَلَلدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ }

الأنعام:32

اللهم ارزقني حسن الخاتـمة