يمكن من كتر ما بسافر ولطول مدة السفر في الغالب هتلاقوا اكتر الافكار اللى باكتب عنها جاتلي أثناء السفر ، يمكن عشان باكون لوحدي فباقفل على نفسي باب نفسي واسرح بخيالي في كذا حاجة وكنت وضحت كده في بوست قديم اسمه وأنا مسافر
النهاردة عايز اتكلم عن حاجة متعلقة بالسفر بردو وفي نفس الوقت بمناسبة انتهاء الامتحانات وبدء الأجازة الصيفية لأغلب الطلبة
النهاردة كنت راجع من أبورديس في جنوب سيناء ، يعني حوالي 6 ساعات سفر ، عشان كده كان لازم الطريق يتقسم لمحطات وبين كل محطة والتانية استراحة صغيرة سريعة ، لو اعتبرنا حياتنا عبارة عن رحلة أو سكة سفر هنلاقيها بردو متقسمة لمحطات ، محطة الدراسة ومحطة الشغل ومحطة الجواز ووو ، وكل محطة منهم متقسمة لمحطات صغيرة زي محطة الدراسة متقسمة كذا محطة على كذا سنة وكذا تيرم ... وهكذا
في الرحلة دي محتاجين بعد كل محطة ناخد استراحة صغيرة
نراجع فيها حساباتنا ونشوف ايه اللي كسبناه وايه اللى دفعناه تمن للوصول وهل ما تبقى معانا يكفينا لتكملة الرحلة ولا لا
محتاجين نشوف الطريق اللى خدناه عشان نوصل للمحطة دي كان صح ولا غلط ، عشان لو طلع غلط وكملنا عليه هايصعب الرجوع للوجهه الاساسية بعد كده ، لكن لو تم اكتشاف الخطأ من دلوقتي هايسهل علينا اصلاحه
محتاجين نسأل وندور عن الطرق المختلفة للوصول للمحطة الجاية ونشوف ايه اللى يناسبنا
الناس اللى كانوا معانا من أول الرحلة ونزلوا في الطريق ، مش عايزين وجودهم معانا يتحول لمجرد ذكرى نتسلى بيها مع ناس تانية هايركبوا معانا وينزلوا كل واحد في المحطة بتاعته ، لأن لو مشينا بالنظام ده وكله بيمر علينا مرور الكرام هانوصل لوحدنا ومحدش هايسأل علينا بعد ما نوصل ولا يفتكرنا غير في كلام مع حد ركب معاه في طريقه لمحطة تانية
الاستراحة دي هاتكون مراجعة سريعة للي فات وتحضير وتخطيط للي جاي وهي اللى هاتزيل عنك متاعب السفر وتجدد نشاطك وحماسك ، فاوعى تخلي مشاق الرحلة يلهيك عن الاستراحة والا مش هاتقدر تكمل
حاجة أخيرة عايز اقولها وانت باتخطط للحركة القادمة اعمل حسابك ان ممكن الطريق ياخدك لسكة تانية مكنتش عامل حسابها ، متقلقش ومتزعلش نفسك لأنك غريب عن الطريق ده واول مرة تمشي فيه وبالتالي متعرفش الطرق الجانبية اللى ممكن توصلك اسرع او توصلك لأماكن احسن من اللى كنت عايز تروحها
كل المطلوب منك تعمل اللي عليك ومهما كانت النتائج تأكد انها هاتكون في صالحك
والايام هاتثبتلك ان شاء الله
رحلة سعيـــدة
ــــــــــ
مدونة البتـاعة
http://beta3a.blogspot.com
النهاردة عايز اتكلم عن حاجة متعلقة بالسفر بردو وفي نفس الوقت بمناسبة انتهاء الامتحانات وبدء الأجازة الصيفية لأغلب الطلبة
النهاردة كنت راجع من أبورديس في جنوب سيناء ، يعني حوالي 6 ساعات سفر ، عشان كده كان لازم الطريق يتقسم لمحطات وبين كل محطة والتانية استراحة صغيرة سريعة ، لو اعتبرنا حياتنا عبارة عن رحلة أو سكة سفر هنلاقيها بردو متقسمة لمحطات ، محطة الدراسة ومحطة الشغل ومحطة الجواز ووو ، وكل محطة منهم متقسمة لمحطات صغيرة زي محطة الدراسة متقسمة كذا محطة على كذا سنة وكذا تيرم ... وهكذا
في الرحلة دي محتاجين بعد كل محطة ناخد استراحة صغيرة
نراجع فيها حساباتنا ونشوف ايه اللي كسبناه وايه اللى دفعناه تمن للوصول وهل ما تبقى معانا يكفينا لتكملة الرحلة ولا لا
محتاجين نشوف الطريق اللى خدناه عشان نوصل للمحطة دي كان صح ولا غلط ، عشان لو طلع غلط وكملنا عليه هايصعب الرجوع للوجهه الاساسية بعد كده ، لكن لو تم اكتشاف الخطأ من دلوقتي هايسهل علينا اصلاحه
محتاجين نسأل وندور عن الطرق المختلفة للوصول للمحطة الجاية ونشوف ايه اللى يناسبنا
الناس اللى كانوا معانا من أول الرحلة ونزلوا في الطريق ، مش عايزين وجودهم معانا يتحول لمجرد ذكرى نتسلى بيها مع ناس تانية هايركبوا معانا وينزلوا كل واحد في المحطة بتاعته ، لأن لو مشينا بالنظام ده وكله بيمر علينا مرور الكرام هانوصل لوحدنا ومحدش هايسأل علينا بعد ما نوصل ولا يفتكرنا غير في كلام مع حد ركب معاه في طريقه لمحطة تانية
الاستراحة دي هاتكون مراجعة سريعة للي فات وتحضير وتخطيط للي جاي وهي اللى هاتزيل عنك متاعب السفر وتجدد نشاطك وحماسك ، فاوعى تخلي مشاق الرحلة يلهيك عن الاستراحة والا مش هاتقدر تكمل
حاجة أخيرة عايز اقولها وانت باتخطط للحركة القادمة اعمل حسابك ان ممكن الطريق ياخدك لسكة تانية مكنتش عامل حسابها ، متقلقش ومتزعلش نفسك لأنك غريب عن الطريق ده واول مرة تمشي فيه وبالتالي متعرفش الطرق الجانبية اللى ممكن توصلك اسرع او توصلك لأماكن احسن من اللى كنت عايز تروحها
كل المطلوب منك تعمل اللي عليك ومهما كانت النتائج تأكد انها هاتكون في صالحك
والايام هاتثبتلك ان شاء الله
رحلة سعيـــدة
ــــــــــ
مدونة البتـاعة
http://beta3a.blogspot.com