زمان زمان قوي يعني أيام ما اتجوزت من حوالي 24 سنة ...زوجي جاب قلب ومخ وكبدة بتوع خروف وحطيتهم في الفريزر و كنت لسه يادوب سنة أولى زواج ومعايا أبني الكبير بيبي مش بيخليني أنام فكنت أطبخ يادوب قبل موعد وصول زوجي بساعه وفي يوم من الايام دخلت المطبخ ورحت عالقلب المجمد قطعته شرايح شرايح و حطيته عالنار بالتتبيلة والزيت وووو ولقيته شبه القرص قلت انا مالي
هو اللي عايز ياكل قلب خروف مالي أنا شكله عجيب
أول ما دخل حطيت القلب في الطبق و أنا أساسا باقول يع أصلي مش من هواة أكل الخروف بمشتقاته المهم الراجل استغرب قالي إيه داه؟ قلتله القلب يا حبيبي ..قالي القلب؟ داه المخ يا أمي ..قلتله بجد؟ داه المخ؟ قالي مش عارفه لون القلب من المخ؟ لون القلب أحمر زي الكبدة مش أبيض..قلتله و أنا إيه عرفني بقى مش يمكن كان خروف قلبه أبيض؟ أنا قلت الكلمة ولقيت الراجل وقع عالأرض من الضحك ..وعنها ورحت النادي يوم الجمعة لقيت موضوع الخروف أبو قلب أبيض حديث المدينة..فضحني الجدع..تحياتي
محدش يضحك أنا باقول اهووووو
في انتظار ردودكم علشان نعرف مغامرتكم المطبخية
عدل سابقا من قبل كلمات من نور في الثلاثاء سبتمبر 14, 2010 8:01 pm عدل 1 مرات